Tilsynsrapport Helse Førde HF

1 Innleiing

Digitaliseringsdirektoratet er tilsynsmyndigheit på området universell utforming av ikt.

Rettsleg grunnlag for tilsyn er likestillings- og diskrimineringslova (ldl) § 36 første ledd jf. ldl § 18 og forskrift om universell utforming av ikt-løysingar § 5.

Vi gjennomførte tilsyn med Helse Førde HF i perioden 29.04.2025 – 30.05.2025. Tilsynet retta seg mot nettstaden www.helse-forde.no.

Rapporten gjer greie for resultata innanfor tema for tilsynet, på dei sidene som blei testa. Rapporten gir ikkje ei fullstendig tilstandsvurdering av nettstaden.

2 Resultat

Det er avdekka brot på 5 av 13 krav som er testa.

Resultata byggjer på informasjon frå testinga av nettstaden.

Resultata er inndelt i kategoriar. Der det er påvist brot på minstekrava vil dette gå fram under den enkelte kategorien. Dersom det er avdekt brot på minstekrava vil dette følgjast opp med reaksjonar i form av pålegg om retting og eventuelt tvangsmulkt.

Det er avdekka brot på følgjande krav: ldl. § 18 jf. forskrift om universell utforming av ikt-løysingar § 4 første ledd jf. suksesskriterium i WCAG 2.1:

• 1.1.1 Ikke-tekstlig innhold
• 1.3.1 Informasjon og relasjoner
• 2.4.2 Sidetitler
• 2.5.3 Ledetekst i navn
• 4.1.2 Navn, rolle, verdi

2.1 Struktur

Suksesskriterium i WCAG 2.1:

• 1.3.1 Informasjon og relasjoner
• 2.4.2 Sidetitler

Kommentar til brot

Innhald og element på nettstaden, inkludert dokument skal vere koda slik dei ser ut. Feila som er avdekka gjer at nettstaden og dokument kan vere vanskeleg og uoversiktlege for brukarer som er blinde eller har nedsett syn. Mange brukar sidetittel for å halde oversikt ved navigasjon, for eksempel for å skilje mellom ulike faner i nettlesaren. Der sidetittel ikkje beskriv innhaldet i dokumentet, er dette utfordrande for dei som brukar den til navigasjon.

• Visuelle overskrifter skal vere koda som overskrift.
• Sidetittel skal beskrive innhaldet i dokumentet.

Rettleiing til suksesskriterium

• 1.3.1 Informasjon og relasjoner
• 2.4.2 Sidetitler

2.2 Alternativt format

Suksesskriterium i WCAG 2.1:

• 1.1.1 Ikke-tekstlig innhold

Kommentar til brot

Ikkje-tekstleg innhald som er meiningsberande skal vere koda på ein slik måte at brukaren får presentert eit tekstalternativ som er beskrivande.

Komplekst bilde skal ha eit langt tekstalternativ som beskriv innhaldet. Ikkje-tekstleg innhald som er rein dekorasjon skal vere koda slik at innhaldet kan bli ignorert av hjelpemiddelteknologi.

Rettleiing til suksesskriterium

• 1.1.1 Ikke-tekstlig innhold

2.3 Presentasjon

Suksesskriterium i WCAG 2.1:

• 1.3.1 Informasjon og relasjoner

Kommentar til brot

Brota som er avdekka gjer at nettstaden er vanskeleg og uoversiktleg for blinde eller brukarar med nedsett syn som nyttar hjelpemiddelteknologi for å navigere på nettstaden.

• Visuell liste skal kodast korrekt.

Rettleiing til suksesskriterium

• 1.3.1 Informasjon og relasjonar

2.4 Skjema

Suksesskriterium i WCAG 2.1:

• 2.5.3 Ledetekst i navn
• 4.1.2 Navn, rolle, verdi

Kommentar til brot:

Leietekst i namn skal sikre at synleg (visuell) leietekst i form av tekst eller bilete av tekst, for ein brukargrensesnittkompenent, er spegla i koden til den same brukargrensesnittkomponenten via tilgjengeleg namn. Dette er særs viktig for at talenavigasjon skal fungere. Alle brukargrensesnittkomponentar skal ha korrekt rolle i koden. Krava skal særleg ivareta brukarar som er blinde eller har nedsett syn, motorikk eller kognisjon.

• Brukargrensesnittkomponentar skal ha tilgjengeleg namn i same rekkefølgje som synleg ledetekst.
• Skjemaelement og knappar skal vere korrekt koda.

Rettleiing til suksesskriterium

• 2.5.3 Ledetekst i navn
• 4.1.2 Navn, rolle, verdi

3 Informasjon i tilgjengelegheitserklæringa vurdert opp mot resultat

Helse Førde HF har publisert tilgjengelegheitserklæring for nettstaden www.helse-forde.no.

Uu-tilsynet har vurdert resultata frå vår testing opp mot erklærte brot i tilgjengelegheitserklæringa. Dette inneber ei samanlikning og vurdering av samsvar, brot, bruk av unnatak, inkludert uhøveleg stor byrde, og opplysingar om tilgjengelege alternativ.

Helse Førde HF har erklært brot på 9 av 48 krav.

Brot som er erklært i tilgjengelegheitserklæringa som også har vore del av vår kontroll:

• 1.3.1 Informasjon og relasjoner
• 1.4.10 Dynamisk tilpasning
• 3.3.2 Ledetekster og instruksjoner
• 4.1.2 Navn rolle, verdi

3.1 Uu-tilsynet si vurdering

Brot i tilgjengelegheitserklæringa som er verifisert

1.3.1 Informasjon og relasjoner

Vår kontroll har avdekka brot på kravet på nettstaden og i dokumentet. Det var nokre visuelle overskrifter som ikkje var koda som overskrifter.

Helse Førde HF skriv i tilgjengelegheitserklæringa at dei er kjende med at dei har overskrifter som ikkje er koda som det. Det blir vist til element på nettstaden, men innhald i dokument er ikkje nemnt. Regelverket omfattar også dokument som er publisert på nettstaden.

Vi reknar derfor med at Helse Førde HF med rette har erklært brot på krav 1.3.1 i tilgjengelegheitserklæringa, og at dokument med brot også kan reknast som erklært sjølv om det ikkje er uttrykkeleg nemnt.

Helse Førde har meldt kjente brot til utviklarane sine og feila er tenkt retta i løpet av året.

Då feila no er avdekka og verifisert i tilsyn, kan det bli sett ein frist for retting som verksemda må etterleve. Dette vert eventuelt gjort i pålegg om retting.

4.1.2 Navn, rolle verdi

Helse Førde HF har erklært brot på krav 4.1.2 Navn, rolle verdi. Feila dei har erklært gjeld dels andre element og feil enn dei vi har avdekka i kontrollen. Våre funn er at skjemaelement og knappar ikkje alltid er korrekt koda.

Då feila er avdekka og verifisert i tilsyn, kan det bli sett ein frist for retting som verksemda må etterleve. Dette vert gjort i pålegg om retting.

Av dei fire krava som var erklært og som har vore del av vår testing, er det to krav vi ikkje har avdekka brot på.

Brot erklært i tilgjengelegheitserklæringa som ikkje er verifisert

1.4.10 Dynamisk tilpasning

Vår testing har ikkje avdekka brot på krav 1.4.10 Dynamisk tilpassing.

At vi ikkje har avdekka brot på krav 1.4.10, betyr ikkje at vurderingane Helse Førde HF har gjort i tilgjengelegheitserklæringa er feil.

Tilsynet er stikkprøvebasert, og gjeld bestemde sider, jf. kapittel 4.5. Helse Førde HF kan ha testa andre enkeltsider på nettstaden når dei oppretta tilgjengelegheitserklæringa. At Uu-tilsynet ikkje har avdekka dei same brota kan også tyde at det ein enkeltståande feil, slik at brota ikkje er gjennomgåande.

3.3.2 Ledetekster og instruksjoner

Helse Førde HF har vidare erklært brot på krav 3.3.2 Ledetekster og instruksjonar.

Vi har testa søkefeltet på nettstaden og kome til at søkefeltet ikkje bryt kravet 3.3.2 Ledetekstar eller instruksjonar.

Brot som er avdekka, men ikkje erklært i tilgjengelegheitserklæringa

Under tilsynet har vi avdekka brot på tre krav som ikkje er erklært i tilgjengelegheitserklæringa. Dette gjeld:

• 1.1.1 Ikke-tekstlig innhold
• 2.4.2 Sidetitler
• 2.5.3 Ledetekst i navn

Ettersom brota er avdekka og verifisert i tilsyn kan det bli sett en frist for retting som verksemda må etterleve. Dette vert gjort i pålegg om retting.

Brot som er erklært i tilgjengelegheitserklæringa på krav som ikkje er testa

Fire av krava det er erklært brot på er ikkje testa under tilsynet. Dette gjeld:

• 1.2.2 Teksting (forhåndsinnspilt)
• 1.4.5 Bilde av tekst
• 2.4.3 Fokusrekkefølge
• 2.4.6 Overskrifter og ledetekster
• 4.1.1 Parsing

Då desse krava ikkje inngår som del av testing i kontrollen jf. at kontrollen er stikkprøvebasert, vert dei ikkje følgt opp som del av tilsynet.

Oppsummering

Vi har i kontrollen verifisert brot som er erklært av verksemda i tilgjengelegheitserklæringa, og brot som ikkje er erklært.

Brota som er avdekka i kontrollen skal rettast. Det blir sett ein frist for retting i eige vedtak.

4 Om kontrollen

4.1 Tema

Føremålet med tilsynet er å kontrollere om Helse Førde HF etterlever lov- og forskriftskrav om universell utforming av ikt, innanfor temaet for kontrollen.

Tilsynet omfatta følgjande tema:

• Alternativt format
• Kontrast
• Navigasjon
• Presentasjon
• Skjema
• Struktur
• Tastaturbetjening

4.2 Krav

Oversikt over krav (suksesskriterium) som er testa i kontrollen:

• 1.1.1 Ikke-tekstlig innhold
• 1.3.1 Informasjon og relasjoner
• 1.4.10 Dynamisk tilpasning (Reflow)
• 1.4.3 Kontrast (minimum)
• 2.1.1 Tastatur
• 2.4.2 Sidetitler
• 2.4.7 Synlig fokus
• 2.5.3 Ledetekst i navn
• 3.1.1 Språk på siden
• 3.3.1 Identifikasjon av feil
• 3.3.2 Ledetekster eller instruksjoner
• 4.1.2 Navn, rolle, verdi
• 4.1.3 Statusbeskjeder

4.3 Testreglar

Oversikt over testreglar som er brukt i kontrollen:

• Doku-1.3.1a Visuelle overskrifter er korrekt koda 2025
• Doku-1.3.1c Visuelle lister er korrekt koda 2025
• Doku-2.4.2a Dokument har beskrivande sidetittel 2025
• Doku-3.1.1a Hovudspråket på nettsida er programmatisk bestemt 2025
• Nett-1.1.1a Ikkje-lenka bilde har tekstalternativ 2025
• Nett-1.1.1b Føremålet med lenka bilde går fram av lenketekst eller tekstalternativ 2025
• Nett-1.3.1a Visuelle overskrifter er korrekt koda 2025
• Nett-1.3.1c Visuelle lister er korrekt koda 2025
• Nett-1.4.10a Dynamisk tilpassing av nettsider 2025
• Nett-1.4.3a Det er tilstrekkeleg kontrast mellom tekst og bakgrunn 2025
• Nett-2.1.1a Det er mogleg å nå innhald og bruke funksjonalitet med tastatur 2025
• Nett-2.4.7a Innhald som kan brukast med tastatur, får synleg fokusmarkering 2025
• Nett-2.5.3a Synleg leietekst er en del av tilgjengeleg namn 2025
• Nett-3.3.1a Skjema gir feilmelding dersom tomme obligatoriske skjemafelt blir oppdaga automatisk 2025
• Nett-3.3.1b Skjema gir feilmelding dersom feil inndata blir oppdaga automatisk 2025
• Nett-3.3.2a Inndataelement har instruksjon eller leietekst 2025
• Nett-4.1.2a For skjemaelement kan tilgjengeleg namn, rolle og tilstand bli bestemt programmatisk 2025
• Nett-4.1.2b For knappar kan tilgjengeleg namn, rolle og tilstand bli bestemt programmatisk 2025
• Nett-4.1.2c Iframe har et tilgjengeleg namn som beskriv føremålet med innhaldet i iframe 2025
• Nett-4.1.3a Statusbeskjeder kan bli bestemt programmatisk 2025

4.4 Testing av nettstaden

Vi har testa 13 av dei 48 suksesskriteria som utgjer minstekrava i forskrifta og vi har brukt 20 testreglar.

4.5 Enkeltsider som vart testa

• Side 1: Framside
• Side 2: ADHD hos barn og unge
• Side 3: Kurs: Pårørandekveld ved psykisk helse
• Side 4: Helse Førde Kontakt oss
• Side 5: FAQ
• Side 6: Søk
• Side 7: Nyheitssak
• Side 8: Slik utviklar vi fødselsomsorga for framtida (Dokument)

4.6 Aktivitet under tilsynet

Tilsynet med Helse Førde HF omfatta følgjande aktivitetar:

1. Tilsynsvarselet blei sendt 29.04.2025
2. Vi fekk tilbakemelding/dokumentasjon frå verksemda 07.05.2025 og 08.05.2025
3. Formøte med verksemda blei gjennomført 08.05.2025
4. Testing og vurdering av nettstaden opp mot krava blei gjort i veke 20-21
5. Sluttmøte med verksemda blei gjennomført 28.05.2025
6. Førebels tilsynsrapport vart sendt 02.06.2025