Tilsynsstrategi for universell utforming av ikt 2025–2029

Her er vår strategi for dei neste fem åra.

Her er vår strategi for dei neste fem åra.

Tilsynsstrategi 2025–2029

Strategien består av fire strategiske mål. Desse måla styrer både vår daglege drift og den langsiktige utviklinga av verksemda. Strategien gjeld så lenge føresetnadene ho byggjer på er gyldige, og vil vere førande for våre prioriteringar og retningsval.

Vi fremmar auka etterleving av regelverk

Vi skal styrke tilsynsarbeidet gjennom ein kombinasjon av auka tal på kontrollar, utvida bruk av sjølvdeklarering og forsterka marknadsovervaking. Saman med målretta rettleiing vil det styrke etterlevinga av regelverket og bidra til ei meir inkluderande digital samfunnsdeltaking.

Vi skal vere Noregs leiande fagorgan innan digital inkludering

Innsikt og analyse er berebjelken for det datadrivne digitale tilsynet. Vi skal vere ein pådrivar for fagleg utvikling, skape forståing for verdien av universell utforming og gi råd basert på beste kunnskap om digital inkludering.

Vi bidrar til at digital inkludering aukar verdiskaping

Universell utforming kan vere eit strategisk verktøy for auka inntening og konkurransefortrinn. At fleire kan delta, opnar for fleire kundar, betre omdømme og meir effektive løysingar.

Vi arbeider innsiktsdrive og effektivt

Uu-tilsynet er leiande i å bruke data, analyse og teknologi i tilsynsarbeidet for å fremme universell utforming på ein effektiv og treffsikker måte. Vi skal vidareutvikle løysingane i det datadrivne tilsynet.

Meir digitalisering utfordrar oss

Noreg er blant dei mest digitaliserte landa i verda. Den teknologiske utviklinga skjer raskt og gir store moglegheiter for både innbyggjarar og verksemder.

Slik jobbar vi i dag

Målet vårt er at digitale tenester er tilgjengelege for alle – uavhengig av funksjonsevne. Slik jobbar vi.

Det datadrivne digitale tilsynet

For å sikre betre etterleving av regelverket, jobbar vi med å utvikle verktøy for automatisert og semiautomatisert testing av digitale løysingar.

Les tidlegare tilsynsstrategi