Vi fremmar auka etterleving av regelverk

Ved bruk av digitale, automatiserte og effektive metodar, vil vi framover auke talet på kontrollar.

Vi skal vidareutvikle sjølvdeklareringsløysingane slik at fleire verksemder kan rapportere status på universell utforming. Sjølvdeklarering skal spele ei større rolle i tilsynsarbeidet og gjere verksemdene meir ansvarlege for eiga etterleving. Målet er betre innsikt i etterlevinga av regelverket og styrka marknadsovervaking.

Ved å kombinere sjølvdeklarering, marknadsovervaking og dataanalyse skal vi utvikle eit meir presist og effektivt risikobasert tilsyn. Vi skal prioritere sektorar og verksemder som har stor innverknad på likeverdig samfunnsdeltaking, samt område med låg grad av samsvar med regelverket.

Vi skal styrke rettleiinga vår ved å utvikle meir målretta og bransjespesifikk rettleiing, særleg for sektorar med lågare etterleving. Kommunikasjon og rettleiing blir prioritert på bakgrunn av data og brukarinnsikt.

Gjennom desse tiltaka skal vi sikre at metodane våre er effektive, treffsikre og støttar verksemdene i arbeidet med å oppfylle krava til universell utforming. Dette bidrar til betre etterleving av regelverket, meir effektiv ressursbruk og auka bevisstheit.