Endra regelverk om dei nye krava om universell utforming av ikt er no kunngjort i ei forskriftsendring. Offentleg sektor skal følgje nye krav frå 1. februar 2023.
Forskrifta er endra som følgje av nye krav i forbindelse med webdirektivet. Dei nye krava frå EU betyr totalt 14 nye tekniske krav, inkludert synstolking av videoopptak. I tillegg kjem krav om tilgjengelegheitserklæring, og krav om universell utforming av nye intranett og ekstranett.
Tilgjengelegheitserklæring
Uutilsynet lagar ei løysing for tilgjengelegheitserklæring som er obligatorisk for offentlege verksemder å bruke.
Synstolking
Det er no vedteke at to krav om synstolking skal vere ein del av regelverket om universell utforming av ikt som skal gjelde offentleg sektor. Frå 1. februar 2024 skal videopptak som vert publisert vere synstolka. Kravet vil ikkje gjelde grunnskule og vidergåande skule med mindre det er videoopptak knytt ti viktige nettbaserte administrative funksjonar.
Privat sektor
Privat sektor skal framleis følgje dagens krav, og vert ikkje påverka av endringane.