Aktørar og tenester i helsesektoren

Helsesektoren består av mange nettsider, appar, aktørar og tenester. For innbyggaren kan det bety mange inngangar til helsehjelp – og ein krevande veg gjennom ulike tenester og system.

Laga: 24. september 2026

For å forstå kva innbyggarane møter digitalt, er det nyttig å sjå på korleis helsesektoren er bygd opp, kven aktørane er og korleis tenestene heng saman.

Helsesektoren er stor og kompleks

Over 60 000 verksemder tilbyr helse- og sosialtenester, og 5 565 fastleger brukar Helsenorge. I tillegg finst eit stort mangfald av digitale løysingar som innbyggarar, behandlarar og verksemder må forhalde seg til. Dei 420 tilgjengelegheitserklæringane som er knytte til helsesektoren, illustrerer noko av breidda i dei digitale tenestene.

60 000

verksemder innan helse- og sosialtenester

5 565

fastlegar brukar Helsenorge

420

tilgjengelegheitserklæringar er knytt til helsesektoren

Aktørar og roller i sektoren

Helse- og omsorgssektoren består av mange aktørar med ulike rollar og ansvar. Kartet gir ei forenkla oversikt over korleis sektoren heng saman, frå politisk styring og nasjonal forvaltning til tenesteytarar, leverandørar, brukarorganisasjonar og kunnskapsmiljø.

Diagram som viser aktørane i det norske helse- og omsorgssystemet. Øvst ligg politisk styring og finansiering ved Helse- og omsorgsdepartementet og Kommunal- og distriktsdepartementet. Under dette er aktørane grupperte i nasjonal forvaltning og regulering, nasjonal og regional infrastruktur og fellesløysingar, tilsyn, spesialisthelsetenesta, primærhelsetenesta, private tenesteleverandørar og leverandørar, brukarorganisasjonar og kunnskapsmiljø.
Figur 1: Aktørar og roller i den norske helse- og omsorgssektoren

Innbyggaren si reise gjennom helsesektoren

For innbyggaren kan møtet med helsesektoren innebere mange steg og kontakt med fleire aktørar og fleire nettsider og appar. Illustrasjonen viser ei mogleg reise frå informasjon og kontakt, via behandling, medisin og oppfølging, til klage og erstatning. Dei ulike stega heng saman i eit løp, og innbyggaren må stadig skifte mellom ulike tenester, aktørar og digitale løysingar undervegs.

Illustrasjon av ein eldre mann med nettbrett som navigerer gjennom ein kompleks helsesektor. Ein svingete veg går mellom seks grupper av digitale helsetenester. Langs vegen finn ein informasjon frå helsemyndigheiter, organisasjonar og fagmiljø; tenester for kontakt og konsultasjon med lege; informasjon frå sjukehus og private behandlingsstader; nettapotek og andre medisintenester; digitale løysingar for oppfølging av pasientar; og aktørar som behandlar klager og erstatningssaker.
Figur 2: Innbyggaren si reise gjennom helsesektoren og møtet med ulike digitale helsetenester

Jo fleire aktørar og digitale løysingar innbyggaren må bevege seg mellom, desto viktigare blir det at tenestene er enkle å finne, forstå og bruke.

Gå tilbake til kapittel 3. Styring, rammer og oppbygging av helsesektoren