Tilgang til internett, utstyr og eID

Nøkkeltal

Samla verdi for tilgang til internett, utstyr og eID, er 89.

Meir om tilgang til internett, ikt-utstyr og eID

Tilgang til internett og ikt-utstyr, som for eksempel PC, nettbrett eller smarttelefon, er avgjerande. For å få tilgang til private og offentlege digitale tenester treng ein å legitimere seg ved hjelp av ein elektronisk ID (eID).

Diagrammet viser

For husstandane i Noreg:

• 97 % av husstandane har tilgang på breiband > 100 Mbit/s
  • Bakgrunnstala viser at tilgangen i tettbygde strøk er 100 %, medan tilgangen i spreiddbygde strøk er 95 %
• 82 % har tilgang til 4G/5G
  • Bakgrunnstala viser at tilgangen i tettbygde strøk er 92 %, medan tilgangen i spreiddbygde strøk er 43 %

For innbyggarar mellom 16 og 79 år:

• 97 % av innbyggarane mellom 16 og 79 år brukar internett på smarttelefon, medan 75 % brukar PC. Digitale tenester tilpassa mobilvising er derfor svært viktig
• 97 % mellom 16 og 79 år har elektronisk ID (eID) på høgt sikkerheitsnivå. Dette er nødvendig for å få tilgang til private og offentlege digitale tenester av typen nettbank, netthandel, helseopplysningar, skattemelding med meir

Kjelder: SSB Statistikkbanken tabell 12349 og 14033, Nkom

Men sjølv om tilgangen er svært god, fell nokre utanfor

Dei med størst risiko for utanforskap er

• hushald med låg inntekt og/eller manglande tilknyting til arbeidsstyrken
• innbyggarar utan norsk D-nummer (midlertidig identitetsnummer)
• eldre og personar med ein helsesituasjon som gjer at ein må la seg representere av andre
• personar med funksjonsnedsetting
• barn og unge som er under det offentlege sin omsorg og som ikkje har moglegheit til å få godkjenning av f.eks. BankID/eID frå foreldre eller føresette