Vi lanserer ein nasjonal indeks for digital inkludering. Regjeringa vil at alle skal vere inkluderte og ha lik tilgang, men mange opplever at digitale tenester er vanskelege å bruke. DI-indeksen viser kor vi er komne lengst og kor vi må styrke innsatsen.
I dag lanserer vi nasjonal indeks for digital inkludering (DI). Regjeringa vil at alle skal vere inkluderte og ha lik tilgang. Samtidig er det store forskjellar i korleis folk tek del i den digitale utviklinga, og mange opplever at digitale tenester er vanskeleg å bruke.
I DI-indeksen vil vi følgje utvikling i digital inkludering over tid. Vi ser på kva utfordringar innbyggarane møter på ulike område som kvar for seg og til saman har avgjerande innverknad på digital inkludering.
- Tilgang til internett, ikt-utstyr og eID
- Bruk av offentlege og private digitale tenester
- Brukarvennlegheit og universell utforming
- Digital kompetanse og ferdigheiter
- Tillit til teknologi og myndigheiter
Hittil har vi sett på data frå 2023. Dette gir oss eit grunnlag for å måle endring over tid. Vi oppdaterer indeksen når data frå 2025 ligg føre. Slik bygger vi heilskap og samanheng i kunnskap om individuelle føresetnader og systemskapte barrierar for digital inkludering over tid. DI-indeksen er eit samarbeid mellom Uu-tilsynet og Nkom.