Digital kompetanse og dømmekraft

Nøkkeltal

Gjennomsnittet av dei 17 indikatorane for kompetanse og dømmekraft er 71 %.

Kva fortel tala om digital kompetanse og dømmekraft?

Digital kompetanse og dømmekraft viser eit nokså samansett bilde. Deler av datagrunnlaget er eldre, frå 2020/21, men er med her for å etablere eit grunnlag for å måle endring når kartlegginga vert gjennomført på nytt i 2025.

• 64 % er gjennomsnittet av indikatorane for nettvett og digital dømmekraft. Her inngår erfaring med faktasjekking av innhald, passord, pålogging, godkjenningar og identifikasjon av svindel.
• 87 % er gjennomsnittet av indikatorane for digital kompetanse generelt. Element som inngår er eigenvurdering av ferdigheiter, erfaringar med tilkopling til nettet og søk etter informasjon.
• 70 % er gjennomsnittet av indikatorar for erfaring med programvare og applikasjonar, som for eksempel installasjon, standard bruk og datamengder.

Kjelder: SSB Statistikkbanken tabell 11438 og 13330, HK-Dir. Befolkningens digitale kompetanse og deltakelse, Rambøll (IT i praksis)

Meir om nettvett og dømmekraft

Nettvett knyter vi i særleg grad til trygg bruk av internett for å unngå svindel og misbruk. Men nettvett er også heilt avgjerande for å ta stilling til om informasjon er falsk eller truverdig.

Diagrammet viser

Data frå ei kartlegging frå 2020/2021 viser av kva aktivitetar med relevans for nettvett, som befolkninga over 16 år har noko/mykje erfaring med:

• 80 %, med å bruke 2-trinns stadfesting ved pålogging og digital ID.
• 70 %, med å lage unike passord til ulike brukarkontorar.
• 69 %, med å kjenne igjen nettsvindel eller phishing/snoking.
• 62 %, med å kjenne igjen sikre sider på internett ved å sjå etter hengelås-symbol eller andre symbol som indikerer at ei nettside er sikker.
• 60 %, med å vurdere vilkår og godkjenningar før installasjon av program eller appar.
• 41 %, med å faktasjekke innhald/informasjon på nyheitsnettstader/sosiale media.

Kjelder: HK-Dir. Befolkningens digitale kompetanse og deltakelse, SSB Statistikkbanken tabell 13330

Meir om digitale ferdigheiter generelt og erfaring med programvare og applikasjonar

Her viser vi resultata for dei elleve enkeltindikatorane som inngår i digital kompetanse generelt og erfaring med programvare og applikasjonar.

Diagrammet viser

For innbyggarar 16-79 år:

• 74 % har brukt tekstbehandlingsverktøy.
• 72 % har installert programvare eller applikasjonar.
• 61 % har kopiert eller flytta filer og mapper.

For innbyggarar over 16 år:

• 93 % vurderer sjølve at dei har middels eller sterke digitale ferdigheiter.
• 85 % har noko/mykje erfaring med å opne program eller appar.
• 83 % har noko/mykje erfaring med å kople seg til/frå internett på mobiltelefon via wifi eller mobilnett.
• 77 % har noko/mykje erfaring med å oppdatere program eller appar.
• 71 % har noko/mykje erfaring med å gi meiningsberande filnamn for å organisere og finne igjen dokument og filer.
• 66 % har noko/mykje erfaring med å bruke ekstern lagring (ekstern harddisk eller skylagring).
• 56 % har noko/mykje erfaring med å vurdere kor mykje mobildata som går med ved bruk av ulike digitale tenester.

Kjelder: SSB Statistikkbanken tabell 11438, HK-Dir. Befolkningens digitale kompetanse og deltakelse, Rambøll (IT i praksis)

Men digitale ferdigheiter og kompetanse kan ikkje sjåast isolert

• Digital kompetanse skal ikkje kompensere for manglande brukarvennlegheit og universell utforming.
• Også tillit er ein avgjerande faktor for digital inkludering.
• Tillit er eit tema som har fått aukande merksemd i takt med stadig meir digitalisering og automatisering.
• Tillit famnar vidt. Det handlar både om tillit til politiske myndigheiter, offentleg forvaltning, teknologi, automatisering og kunstig intelligens.