Alder og digital deltaking
Dei aller fleste eldre innbyggarar er digitale, men dei brukar digitale tenester i mindre grad enn yngre. Med alder aukar også omfanget av funksjonsnedsettingar. Universell utforming skal bidra til digital deltaking også blant eldre.
Forventa befolkningsutvikling i ulike aldersgrupper
Diagrammet viser forventa utvikling i folketalet fordelt på aldersgrupper, fram mot 2043, basert på SSB sitt mellomalternativ for folketalsprognose.
Kort oppsummert
- Noreg har ei aldrande befolkning. Om lag 900 000 er 67 år og eldre.
- Forventa befolkningsvekst i perioden 2023-2043 skjer i aldergruppene over 50 år, og talet på innbyggarar over 80 år vert meir enn dobla.
- Talet på innbyggarar under 50 år er venta å gå ned med vel 60 000.
Kjelde: SSB statistikkbanken, tabell 07459 og tabell 13599
Bruk av internett etter alder
Diagrammet viser prosentdel som har brukt internett dagleg eller nesten dagleg siste 12 md. Aldersgruppe 16-74 år og 75-79 år. Periode 2009-2023.
Kort oppsummert
- 69 % mellom 74 og 79 år på internett dagleg/nesten dagleg i 2023, mot 17 % i 2009.
- 95 % mellom 16 og 74 år på internett dagleg/nesten dagleg i 2023, mot 76 % i 2009.
- Samla sett er 94 % av befolkninga dagleg/nesten dagleg på internett i 2023, mot 74 % i 2009.
Dei mest brukte internettenestene etter alder
Diagrammet viser ulike typar aktivitetar innbyggarane i aldersgruppene 16-74 år og 75-79 år har brukt internett til i 2023. Prosent.
Kort oppsummert
- Aldersgruppa 75-79 år brukar internett i mindre grad og til færre oppgåver enn dei som er under 75 år.
- Mellom 80 og 90 % i gruppa 75-79 år brukar e-post og nettbank.
- Mellom 70 og 80 % i gruppa 75-79 år les nettaviser og søker på nettet etter informasjon om varer og tenester.
- Når det gjeld sosiale aktivitetar over internett som å sende direktemeldingar, delta i sosiale nettverk eller ha videosamtalar over nettet, er prosentdelen brukarar i aldersgruppa 75-79 år om lag halvparten av dei under 75 år.
- Aldersgruppa 74-79 år er også langt mindre aktive når det gjeld netthandel.
Kjelde: SSB statistikkbanken, tabell 06998 og tabell 11436
Alder og bruk av offentlege tenester på internett
Diagrammet viser bruk av offentlege myndigheiter sine tenester på internett siste 12 månader. Prosent 16-74 år og 75-79 år. 2023.
Kort oppsummert
- Ein del offentlege digitale tenester vert brukte i vesentleg mindre grad i aldersgruppa 75-79 år, samanlikna med dei som er yngre. Dette gjeld særleg
- å søke via internett på ytingar eller rettar
- å skaffe informasjon frå det offentlege sine nettsider
- å bestille time eller avtale møte via internett
- Det er små skilnader mellom aldersgruppa 75-79 år og dei som er yngre når det gjeld
- å få tilgang til personleg informasjon frå offentlege register
- å kommunisere eller ta i mot dokument frå brukarkontoar
- å laste ned skjema frå internett
Kor fornøgde er personar i ulike aldersgrupper med å utføre oppgåver via internett?
Diagrammet viser korleis innbyggarar 18 år og eldre har svara på følgande spørsmål: «Kor fornøgd eller misfornøgd er du med det offentlege når det gjeld moglegheit til sjølv å utføre oppgåver over internett?».
Kort oppsummert
- Det offentleg famnar om statlege, fylkeskommunale og kommunale tenester og myndigheitsorgan.
- Oppgåver over internett famnar om bruk av sjølvbeteningsløysingar, å fylle ut og sende søknader/skjema e.l.
- Aldersgruppa 25-34 år er mest fornøgde med sjølv å kunne utføre oppgåver over nettet, med 78 %.
- Aldersgruppa 67 år og eldre har relativt sett færrast som er fornøgde, med 53 %.
Kjelde: DFØ innbyggarundersøkinga 2021