Under Arendalsveka leia Harald Eia oss gjennom ein samtale om det er blitt eit demokratisk problem at folk fell utanfor digitalt. Malin Rygg heldt opningsinnlegget. No kan du høyre dette i vår nye podkast.
På Vitensenteret under Arendalsveka 2023 hadde Digdir fleire aktuelle tema om digitalisering på agendaen, og den eine timen handla om digitalt utanforskap.
Vi hadde samla aktørar frå forsking, bransje, brukarorganisasjonar og departement, og stilte spørsmålet om digitalt utanforskap er blitt ei demokratisk utfordring? Er vi i ferd med å skape eit B-lag i befolkninga. Kvifor har vi enda opp med eit samfunn der enkelte fell utanfor digitalt? Kva gjer vi no? Kva skjer med tilliten i samfunnet?
I tillegg til Malin Rygg og Harald Eia, høyrer du
- Gunn Karin Gjul, statssekretær i Kommunal- og distriktsdepartementet
- Beth Stensen, dagleg leiar i Netlife
- Terje André Olsen, forbundsleiar i Norges Blindeforbund
- Kari Sand, seniorforskar i SINTEF
- Torgeir Waterhouse, partnar i Otte
Podkast: Demokratisk utfordring – skapar digitalt utanforskap eit B-lag?
Podkast frå Arendalsveka, der Harald Eia leia oss gjennom ein samtale om det er blitt eit demokratisk problem at folk fell utanfor digitalt.
Torhild Kristin Brudvik
Torhild Brudvik er kommunikasjonsansvarleg i Tilsynet for universell utforming av ikt i Digitaliseringsdirektoratet.
Forfattar
