Tilsynsrapport Stiftelsen Handelshøyskolen BI

1 Innleiing

Digitaliseringsdirektoratet er tilsynsmyndigheit på området universell utforming av ikt.

Rettsleg grunnlag for tilsyn er likestillings- og diskrimineringslova (ldl) § 36 første ledd jf. ldl § 18 og forskrifta om universell utforming av ikt- løysingar § 5.

Vi gjennomførte tilsyn med Stiftelsen Handelshøyskolen BI i tidsrommet 22.02.2021 til 12.05.2021. Tilsynet retta seg mot digital eksamen bak innloggingssiden til bi.no.

Tilsynet har testa den digitale eksamensløysinga WISEflow.

Rapporten gjer greie for resultata innanfor tema for tilsynet, på dei sidene som er testa. Rapporten gir ikkje ei fullstendig tilstandsvurdering av nettstaden.

Resultata med grunngjeving og rettsgrunnlag står i kapittel 2.

2 Resultat

Resultata byggjer på informasjon frå testinga av nettstaden.

Resultata er framstilt inndelt i kategoriar. Der det er påvist brot på minstekrava vil dette gå fram under den enkelte kategorien. Dersom det er avdekt brot på minstekrava vil dette følgjast opp med reaksjonar i form av pålegg om retting og eventuelt tvangsmulkt.

Det er avdekka brot på 8 av 11 krav som er testa.

Det er avdekka brot frå følgjande krav: ldl. § 18 jf. forskrift om universell utforming av ikt-løysingar § 4 første ledd jf. suksesskriterium i WCAG 2.0:

• 1.1.1 Ikke-tekstlig innhold.
• 1.4.3 Kontrast (minimum).
• 1.4.4 Endring av tekststørrelse.
• 2.1.1 Tastatur.
• 2.4.7 Synlig fokus.
• 3.3.1 Identifikasjon av feil.
• 3.3.2 Ledetekster eller instruksjoner.
• 4.1.2 Navn, rolle, verdi.

2.1 Alternativt format

Suksesskriterium i WCAG 2.0:

• 1.1.1 Ikke-tekstlig innhold.

Kommentar til brot

Feila som er avdekka gjer at brukarar som har vanskeleg for å oppfatte visuelt innhald, ikkje alltid får informasjonen på annan måte enn visuelt. Til dømes skal ein person med nedsett syn få lest opp tekstalternativ som formidlar innhald i ikkje-tekstleg informasjon.

• Det ikkje-tekstlege innhaldet skal ha alt-attributt. Dette er viktig for å formidle korrekt innhald til alle brukare.
• Meiningsberande bilde på nettstaden skal ha ein alternativ tekst, slik at føremålet med eller innhaldet i bilde blir presentert for blinde eller svaksynte som nyttar hjelpemiddel. Den alternative teksten skal vere beskrivande for bildet. Den alternative teksten skal vere norsk dersom dette er målforma på nettstaden.
• Bilde som er pynt eller dekor skal ha tomt alt-attributt.

2.2 Kontrast

Suksesskriterium i WCAG 2.0:

• 1.4.3 Kontrast (minimum).

Kommentar til brot

Det skal vere tilstrekkeleg kontrast mellom bakgrunn og tekst på nettstaden. Dette gjer at brukarar med moderat nedsett syn i større grad kan lese teksten. Dette gjeld også brukarar med redusert fargesyn.

Tilstrekkeleg kontrast gir auka brukarvennlegheit for alle brukarar.

2.3 Presentasjon

Suksesskriterium i WCAG 2.0:

• 1.4.4 Endring av tekststørrelse.

Kommentar til brot

Det skal vere mogleg å forstørre tekst slik at personar med moderat nedsett syn, kan lese teksten utan bruk av hjelpemiddel. Kravet skal i særleg grad ivareta svaksynte.

2.4 Skjema

Suksesskriterium i WCAG 2.0:

• 3.3.1 Identifikasjon av feil.
• 3.3.2 Ledetekster eller instruksjoner.
• 4.1.2 Navn, rolle, verdi.

Kommentar til brot

Feila som er avdekka gjer skjemaet vanskeleg å bruke for alle. Krava som ikkje er oppfylte skal særleg ivareta brukarar som er blinde, fargeblinde eller har nedsett syn, nedsett motorikk eller nedsett kognisjon.

• Dersom det oppstår feil ved utfylling av skjema, skal brukaren få tilstrekkeleg informasjon om feilen og hjelp til å rette feilen.
• Det skal opplysast om eit skjemaelement er obligatorisk. Dette kan til dømes gjerast ved bruk av (*) og tekstleg forklaring.
• Skjemaelementet skal vere kopla til ledetekst i koden.
• Knappar skal enten vere koda med standardelement i (X)HTML, eller ha informasjon om rolle. Knappar skal vere kopla til ledetekst i koden, og ledeteksten skal identifisere knappen. Ledetekst skal vere på norsk, dersom norsk er språket på nettstaden.

2.5 Tastaturbetjening

Suksesskriterium i WCAG 2.0:

• 2.1.1 Tastatur.
• 2.4.7 Synlig fokus.

Kommentar til brot

Feila som er avdekka, gjer at nettstaden er vanskeleg å bruke for personer som må, eller ønsker å navigere med tastatur. Dette rammar særleg synshemma og personar med varig eller mellombels nedsett handfunksjon.

• Alt innhald og funksjonalitet skal kunne nåast og brukast ved hjelp av tastatur.
• Ved tastaturnavigasjon skal innhald brukaren navigerer til, ha synleg fokusmarkering slik at brukaren kan orientere seg på sida og identifisere innhaldet. Når ei nettside inneheld fleire element som kan nåast med tastatur, skal brukaren alltid kunne sjå kva innhaldselement han har navigert til.

4 Regelverk

Oversikt over aktuelt regelverk for kontrollen:

• Lov om likestilling og forbud mot diskriminering (likestillings- og diskrimineringsloven.
• Forskrift om universell utforming av informasjons- og kommunikasjonsteknologiske (IKT)-løsninger.
• Standarden for nettløysingar, Retningslinjer for tilgjengelig webinnhold (WCAG) 2.0.
• Lov om behandlingsmåten i forvaltningssaker (forvaltningsloven).
• Lov om rett til innsyn i dokument i offentleg verksemd (offentleglova).

5 Standarden for nettløysingar

Ved å følgje WCAG 2.0 blir nettløysingar tilgjengelege for fleire personar med nedsett funksjonsevne. WCAG tek omsyn til at brukarane av nettløysingar har ulike føresetnadar, og dekker følgjande:

• Syn.
• Kognisjon.
• Lese- og skrivevanskar.
• Norsk som andrespråk.
• Motorikk.
• Høyrsel.
• Epilepsi.
• Belastningsskadar.

Nettløysingar som følgjer krava vil vere meir brukarvennlege for alle.

Krava til nettløysingar går fram av forskrifta § 4 første ledd, som seier at nettløysingar skal oppfylle Retningslinjer for tilgjengeleg webinnhald (WCAG) 2.0 nivå A og AA, med tre unntak.

35 av 61 suksesskriterium er gjort til obligatoriske minimumskrav for nettløysingar som er omfatta av forskrifta. Det er gjort unntak for suksesskriteria 1.2.3, 1.2.4 og 1.2.5, som regulerer lyd og video.

WCAG 2.0 er bygd opp av 4 prinsipp, 12 retningslinjer og 61 testbare suksesskriterium:

• Prinsippa beskriv grunnlaget for tilgjengelegheit på overordna nivå. I følgje prinsippa skal nettløysingar vere mogleg å oppfatte, mogleg å betene, forståelege og robuste.
• Retningslinjene er overordna mål for tilgjengelegheit i nettløysingar. Retningslinjene er ikkje moglege å teste, men dei set suksesskriteria i ein samanheng.
• Suksesskriteria er konkrete, testbare krav til tilgjengelegheit. Suksesskriteria er teknologinøytrale og vi kan følgje dei uavhengig av programmeringsspråk og publiseringsløysing.

I tillegg viser WCAG 2.0 til teknikkar med døme på korleis vi kan oppfylla suksesskriteria.